Цементті табиғи шикізаттан өндіреді: әктастан және саздан. Әдетте, цемент зауыттарының маңайында орналасатын карьерлерден қазып шығарылатын бұл материалдар бастапқы талқандаудан өтеді, бұл оларды кішірейтуге және зауытқа тасымалдануын жеңілдетуге мүмкіндік береді.

Карьердегі жұмыстармен қатар ландшафтты қалпына келтіру мүмкіндіктері мен өндіру технологиялары зерттеліп отырады. Қалпына келтірілген жер телімдері

• жаңа ауылшаруашылық дақылдарды өсіруде және өрбітуде;
• экожүйелерді көгалдандыру және орман егу жолымен қайта құруда;
• тынығу аймақтарын, табиғи саябақтарды және бақтарды жасауда;
• сондай-ақ, жаңа өндірістерді, кәсіптерді жасауда және аудан шаруашылығын дамытуда қолданылуы мүмкін.

Өңдеудің бірінші сатысы – талқандау, онан кейін кептіру сатылары болады. Шикізат тиісті пропорциялармен және ықтималды қосылатын қосымшаларымен бірге шикізат қоспасы деп аталатын жоғары сапалы ұнтақ болып талқанданады, ол содан соң конвейрмен қоспалауыш бункеріне беріліп, ақыры аяғы, сақтау қоймасына түседі.

Шикізат қоспасы пештерге беріледі де 1450°C температураға дейін қыздырылады, бұның нәтижесінде клинкер шығады. Клинкерді құрайтын компоненттер ғана цементке оның гидравликалық қасиеттерін береді. Пештен шығатын клинкер тез салқындалады да, қоймаға салынады.

Цемент өндірудің бүкіл процесі не шағын оператор бөлмелерінен, не технологиялық процесті бірыңғай басқаратын орыннан үздіксіз байқалып және бақыланып отырады.
Өндіріске, сондай-ақ, сапаға және экологиялық ахуалға қатысты барлық деректер тәулік бойы компьютерлердің дидарларында бейнеленіп жатады. Тәжірибелі техник мамандары кез келген ықтималды ауытқуды немесе қауіпті айқындай алады және түзетулерді енгізе, немесе технологиялық жүйені басқару бойынша алдын ала әрекеттерді қолдана алады.

Цемент өндірудің ақырғы сатысы клинкерді гипспен және, бұл ескерілсе, – басқа да екінші дәрежелі компоненттермен бірге ұсатудан тұрады.
Бұл сатыда әр түрлі қолданысқа жарайтын цемент түрлерін шығарады. Содан соң, бұл цемент түрлері сақтау үшін арнайы жабдықталған бункерлерге түседі.

Автоцистернадағы үймелі жүк түрінде келетін немесе қаптарға салынған цемент тұтынушыларға жоспарлы қолданысқа дайын түрінде жөнелтіледі.
Цементке қатысты көліктік құжаттарымен, 25 және 50 кг қаптармен, сондай-ақ, жүк мәшинелердің таңбалануымен, Компанияның өнім мен қызмет сапасын үздіксіз жақсарту саласындағы қолданылатын нормативтеріне және саясатына сай, сәйкестік сертификаты ілеседі.

«Italcementi» компаниялар тобы үш негізгі өндіріс желілердің өнімін өндіріп, сатып отырады: цемент, бетон толтырғыштары және тауарлы бетон.
Біз тұтынушыларымызға қажетті кешенді шешімдерді барынша төмен бағамен ұсына отырып, біздің барлық нарықтарымыздағы өндірісті оңтайландырмақшымыз. Біз бұл әдістемені «жұмыстардың стратегиялық интеграциясы» деп атаймыз.